--------------------------------------------------------------------------------
بحبك يا بلدى مهما عملوا
بحبك يا بلدى
بحبك يا أنتى
بحب مدينتى
بحبك وشايفك
شمسى وقمرى
بحبك وأنتى
نورى وسجنى
بحبك و مهما
تتغير ملامحى
وييجى اللى ظلمك
ويهدم مدينتى
برده بحبك
هو مين اللى يقدر
يغير ابتسامتك
أو ينزل من عنيكى
دموع على خدك
مهما يكون
قصير أو طويل
يلبسلى بدله ولا جزمه
أو حتى كان أبن مين
مستحيل
عمره ما يقدر
يخلى شمسك
تتطلع يمين
ولا حتى
يخلى قمرك
يبات حزين
ولا نيلك
يجيى يوم متعكر بطين
هو مين وأنتى مين
هو ماشى ع الشمال
وأنتى ماشية ع اليمين
هو رايح مفيش محال
وانتى جايه
كام عروسه متزوئين
هو زايل
هو فرع أهله مايل
أما أنتى
حا تفضلى
فى نفس المكان
تيجى شمسك
ويجى قمرك
ويجرى نيلك
م الشمال لليمين
وكل يوم راح اقولك
انى بحبك
مهما عملوا
طول ما فيكى خالتى صابحه
وخالتى رابحه
أوعدك وبكره جاى
من بعيد
حا تشفيهم
متسلسليين بالحديد
جوه سجنك
والمنصه فى المحاكم
حا يكون قضاها
المظلوميين
يومها يصدر حكم عدل
فى كل ظالم
كان بيحكم بالمظالم
يبقى يوم
هو نصر المظلوميين
يومها أرجع تانى أقولك
بحبك يا بلدى
مهما عملوا
الكدابيين
بالحب نجتمع وبه نفترق
دعوة لحب بلادنا
مهما نختلف
الثلاثاء أكتوبر 30, 2012 7:03 pm من طرف 
